Բլեք Չայնան դատի է տվել Քարդաշյան-Ջեններ ընտանիքին

Բլեք Չայնան դատի է տվել Քարդաշյան-Ջեններ ընտանիքին

Style.news.am-ը գրում է․

Բլեք Չայնան դատի է տվել Քարդաշյանների ընտանիքին դեռ 2017թ.-ին։ Այնուհետեւ հայցում ասվում էր, որ Քրիս Ջեններն ու նրա դուստրերը զրպարտել են մոդելին ու «սպանել» նրա «Ռոբ եւ Չայնա» ռեալիթի շոուն, որի վրա նա աշխատել է իր նախկին սիրեցյալ Ռոբ Քարդաշյանի հետ։ Անջելա Ռենե Ուայթը (Չայնայի իսկական անունը) հայտարարել է, որ ընտանիքը մշտապես միջամտել է իր շոուի նկարահանումներին։

Գրեթե հինգ տարի անց Բլեք Չայնան մտադիր է շարունակել դատական ​​գործընթացը։ Այս մասին մոդելը հայտնել է իր սոցիալական ցանցերում։

«Ես նախատեսում եմ կրկին կենտրոնացնել իմ ուշադրությունը Քրիս Ջենների եւ նրա դուստրերի՝ Քիմի, Քլոեի, Քայլիի դեմ դատական ​​հայցի վրա։ Դատավարությունը կսկսվի 13 օրից։ 2017 թվականի հունվարին նրանք սպանեցին իմ հայտնի շոուն։ Դա ինձ վնասեց ոչ միայն  ֆինանսական ու էմոցիոնալ առումով, այլեւ իմ գեղեցիկ երեխաներին»,- ասել է Բլեքը:

«Ես իրենց դատի եմ տալիս, որ պաշտպանեն իմ օրինական իրավունքները եւ իմ երեխաներին ճիշտ օրինակ ցույց տամ։ Ես այնքան ուրախ եմ, որ երդվյալ ատենակալները վերջապես կլսեն այն, թե իրականում ինչ է տեղի ունեցել փակ դռների հետեւում` ասված սուտը եւ հասցված վնասը»,- շարունակել է Չայնան:

«Դատավարության ավարտին ես կկարողանամ հպարտությամբ ասել Քինգին եւ Դրիմին, որ ես արել եմ ամեն ինչ, որպեսզի շտկեմ իմ հանդեպ կատարված սխալը»,- գրել է մոդելը սոցցանցերում։