ԱՄՆ-ին Ռուսաստանի հետ հակամարտություն պետք չէ, երկրի իշխանությունները չեն պատրաստվում զորք ուղարկել Ուկրաինա: Համապատասխան հայտարարությունը ճեպազրույցի ժամանակ արել է ԱՄՆ Ազգային անվտանգության խորհրդի ռազմավարական հաղորդակցությունների գծով համակարգող Ջոն Քիրբին։
«Մենք հակամարտություն չենք փնտրում Ռուսաստանի հետ: Նախագահ Բայդենը շատ հստակ էր այս հարցում: Նա նաև ասաց, որ ամերիկյան զորքերը չեն կռվի Ուկրաինայի տարածքում: Ոչ ոք չի ցանկանում, որ այս պատերազմը վերաճի միջուկային պատերազմի»,- ճեպազրույցի ժամանակ ասել է նա։
Սպիտակ տան խոսնակը նաև ընդգծել է, որ այս պահին Վաշինգտոնը նշաններ չի տեսնում, որ Մոսկվան պատրաստվում է զանգվածային ոչնչացման ցանկացած տեսակի զենք կիրառել։