Սոթքում բաց հանքի շահագործումը 1 ամսից կդադարեցվի, քանի որ պաշարները սպառվում են։ Այս մասին ԱԺ Տնտեսական հարցերի մշտական հանձնաժողովի արտահերթ նիստում հայտնել է ՀՀ տարածքային կառավարման և ենթակառուցվածքների նախարարի տեղակալ Հովհաննես Հարությունյանը։
«Կազմակերպությունը մտադիր էր աշխատանքները դադարեցնել դեռ անցած աշնանը, բայց մենք բանակցեցինք և պնդեցինք, որ աշխատողներին պահեն մինչև այս տարի ամառ, որից հետո պետք է սկսեին կրճատումները։ Սոթքի ոսկու հանքավարում աշխատանքները կշարունակվեն միայն փակ եղանակով։ Տնտեսվարողը հավաստիացրել է` կրակոցները հանքի փակ եղանակով աշխատանքներին չեն խանգարի»,-նշել է նա։