Հայաստանի անվտանգության հարցերը Պենտագոնում չէ, որ լուծվում են, Սուրեն Պապիկյանը, Նիկոլ Փաշինյանը որևէ հայանպաստ քայլ չեն կարող անել։ Այս մասին MediaHub.am-ի հետ զրույցում ասաց ազատամարտիկ, «Հայ ազգային ճակատի» հիմնադիր Գևորգ Գևորգյանը՝ անդրադառնալով պաշտպանության նախարար Սուրեն Պապիկյանի այցին ԱՄՆ և պաշտպանության նախարարի քաղաքական հարցերով տեղակալ Քոլին Քահլի հանդիպմանը։

Գևորգյանն ասաց, որ փորձում են ցույց տալ, թե անվտանգության հետ կապված հարցերով ոչ միայն ՌԴ –ի հետ են հարաբերություններ ձևավորում, այլ նաև ԱՄՆ-ի։ 

«Փաշինյանը ՌԴ նախագահի ներկայությամբ խոսում էր Ռուսաստանի հետ ռազմավարական դաշնակցության մասին, մի քանի անգամ Էլ շնորհակալություն հայտնեց։ Շատ քաղաքագետներ ընկալեցին, որ արդեն սկսել է գիտակցել և ուղիղ ճանապարհ է վերցրել, բայց գիտենք ,որ Նիկոլը մի բան ասում է, մի այլ բան անում։ Ո՛չ Նիկոլից, ո՛մչ Պապիկյանից, կրկնում եմ, հայնապաստ ոչնչի չպետք է սպասել։ Իրենք իրականցնում են թուրք-ադրբեջանական ծրագիրը․ խաղում են, ժամանակ են ձգում, դավադրաբար մեր պետականությունը ոչնչացնում»,-ասաց նա։

Գևորգ Գևորգյանն ասաց, որ հիմա այս իշխանությունները մեր տարածաշրջանում փորձում են Արևմուտք-ՌԴ հակադրությունը պահելը։ «ԱՄՆ –ն Հայաստանի, Արցախի անվտանգությունը չի կարող երաշխավորել, Թուրքիան իրենց համար լուրջ գործոն է»,-ասաց նա։ 

MediaHub-ի զրուցակիցն ընդգծեց, որ մեր անվտանգության երաշխավորը ինքներս պիտի լինենք՝ պետք է ձևավորել ազգային իշխանություն, ունենալ անվտանգության դոկտրին։

Անի Գևորգյան