Այսօր՝ նոյեմբերի 22-ին, ավտովթար է տեղի ունեցել Երևանում: Ժամը 13:50-ի սահմաններում «Zil» մակնիշի բեռնատարը Խարբերդի ամառանոցների 7-րդ փողոցում բախվել է ծառին, ապա բետոնե էլեկտրասյանն ու բնակչի տան քարե պարսպին:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան:

Ժամանել են նաև «Հայաստանի էլեկտրական ցանցեր» ընկերության ներկայացուցիչները, ովքեր արդեն ձեռնամուխ են եղել կոտրված բետոնե էլեկտրասյունը նորով փոխարինելու և էլեկտրամատակարարումը վերականգնելու ուղղությամբ:  

Ֆոտոլրագրողի տեղեկություններով՝ Պարեկային ծառայությունը պարզել է վարորդի ինքնությունը, ով ենթարկվել է սթափության փորձաքննության, եղել է սթափ: