Թվերը  չեմ հնչեցնի, բայց կասեմ, որ կա չորս հաշտության համաձայնություն, և ևս երկուսը վարչությունն այս տարի է հասցրել կնքել. մեկը վերաբերում է հողամասի, մեկը ՝ 609 մլն դրամի վերադարձին, որից երկու միլիոնն արդեն վերադարձվել է, և մինչև տարվա վերջ մնացած մասն էլ կփոխանցվի։ Այս մասին ԱԺ-ում հայտարարեց գլխավոր դատախազ Աննա Վարդապետյանը:

«Հաշտությունների դեպքում օրենքը նվազագույն շեմը վերադարձի թույլատրում է 75%։ Բայց կան դեպքեր և 90%: Հաշտությունների շուրջ բանակցությունների գործընթացում մեր հայտնաբերած գումարների առնվազն 75%-ի շուրջ պետք է կոնսեսուս ունենանք, որ կարողանանք հաշտվել»,- ասաց նա։

Ապա անդրադարձավ  կարևոր հանգամանքի։ «Բոլոր այն միջոցները, որոնք գտվում են ՀՀ սահմաններից դուրս, օրինակ, այլ երկրներում, մեր կողմից սառեցված են, բայց պետք է հաշվի առնել, որ մեր գործընկերները իրենք էլ են վարույթային գործողություններ իրականացնում և դատավարական ծախսեր կրում և ընդունված պրակտիկա է, որ մենք որոշակի տոկոս պետք է տանք նաև այդ երկրներին»,- ասաց Վարդապետյանը։

Մանրամասները՝ տեսանյութում