Սիմֆերոպոլի` Կիևի շրջանային դատարանը մեղադրող կողմի պահանջով ձերբակալել է Ղրիմի կամրջի վրա տեղի ունեցած պայթյունի քրեական գործով հինգ մեղադրյալի. այդ մասին փոխանցում է Interfax-ը։
«Կասկածյալների նկատմամբ խափանման միջոց է ընտրվել կալանավորումը՝ մինչև դեկտեմբերի 8-ը», - փոխանցում է աղբյուրը։
Ըստ աղբյուրի՝ խոսքը Արտեմ Ազատյանի, Գեորգի Ազատյանի, Ռոման Սոլոմկոյի, Վլադիմիր Զլոբի և Արթուր Տերչանյանի մասին է։ Գործով երկու մեղադրյալների փաստաբանները Interfax-ին հաստատել են, որ իրենց պաշտպանյալները ձերբակալվել են։