Այսօր՝ օգոստոսի 11-ին, ողբերգական ավտովթար է տեղի ունեցել Գեղարքունիքի մարզում։ Ժամը 14։00-ի սահմաններում Երևան-Սևան-Իջևան ավտոճանապարհի 52 կմ հատվածում՝ Գագարինավանի վարչական տարածքում բախվել են Lexus և Opel մակնիշի ավտոմեքենաները․ հայտնում է Shamshyan.com-ը։
Վթարի հետևանքով 2 հոգի մարմնական վնասվածքներով, որոնցից 1-ը ծայրահեղ ծանր, տեղափոխվել են «Հրազդան» բժշկական կենտրոն, 1 հոգի էլ «Սևան» բժշկական կենտրոն։
Բախման հետևանքով Opel-ը գլխիվայր շրջվել և մասամբ հայտնվել է ճանապարհի մեջտեղում։
Մինչ դեպքի վայրում աշխատում էր քննչական խումբը, «Հրազդան» բժշկական կենտրոնից Ոստիկանության Սևանի բաժին ահազանգ է ստացվել, որ վիրավորներից մեկը գիտակցության չգալով՝ մահացել է։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։