Այսօր՝ փետրվարի 20-ին, խոշոր ավտովթար է տեղի ունեցել Կոտայքի մարզում։ Ժամը 12։50-ի սահմաններում Երևանի բնակիչ, 24-ամյա Արմեն Ստեփանյանը Եղվարդ–Աշտարակ ավտոճանապարհի 5-րդ կմ հատվածում իր վարած Mercedes Sprinter մակնիշի ավտոմեքենայով կողաշրջվել է։

Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան։ Օպերատիվորեն ժամանել է ՀՀ ներքին գործերի նախարարության Փրկարար ծառայության Կոտայքի մարզի Եղվարդի թիվ 46 հրշեջ-փրկարարական ջոկատի 1 մարտական հաշվարկ։

Հրշեջ-փրկարարները հոսանքազրկել են ավտոմեքենան և տեղում իրականացրել հերթապահություն։

Ըստ նախնական տեղեկությունների՝ վթարի պատճառը եղել է Արարատի մարզի բնակիչ, 41-ամյա Հովսեփ Ա․-ի կողմից ЗИЛ  մակնիշի բեռնատարի կողմից Mercedes-ի  վարորդի համար վթարայի իրավիճակ ստեղծելը։

ЗИЛ-ի վարորդը դեպքի վայրից չի հեռացել։

Վթարի փաստով՝ Պարեկային ծառայության Կոտայքի գումարտակում նյութեր են նախապատրաստվում։

Գ․ Շամշյանի տեղեկություններով՝ Mercedes Sprinter-ը հաշվառված է Երևանում գործող «ԲԵԼԼԱ ՎԻՏԱ» ՍՊԸ-ի հաշվեկշռում։