Մենք պետք ա մի քիչ տրամաբանությունը այլ կերպ ընկալենք, և ես կարծում եմ, որ Ադրբեջանն էլ նույն տրամաբանության մեջ պետք է գործի։ Մենք երկար ժամանակ նույն տարածաշրջանում ապրել ենք, առնվազն վերջին 100 տարին շատ սերտ շփում ենք ունեցել, և Ադրբեջանը սիրում է ամեն տեղ ասել, որ ինքը մուլտիկուլտուրալ երկիր է։ Այս մասին այսօր ԱԺ-ում լրագրողների հետ զրույցում ասաց ԱԺ նախագահ Ալեն Սիմոնյանը։
«Ադրբեջանը համառորեն ջնջում է հայկականը և բռնի տեղահանում, էթնիկ զտում իրականացնում»,-ասաց նա։
Դիտարկմանը, որ Շուշիում էլ գերեզմանատներ են պղծվում, աղբանոցի վերածվում, վերջինս ասաց․
«Դե, ես դրան ինչ պիտի արձագանքեմ։ Մեր նկատմամբ նույնպես նման մեղադրանքներ կան, որ մենք նմանատիպ գործողություններ ենք արել և այլն։ Ես չեմ ուզում հիմա նման բանավեճի մեջ մտել, ես ուզում եմ, որ այս շենքերը, պատմությունն օգտագործենք ապագան կառուցենք։ Չի կարող այս ամենը հավերժ տևել, պետք է ջանդ գործադրենք ապագան կառուցելու ու տարածաշրջանում խաղաղություն բերելու համար»։
Խոսելով «Արևմտյան Ադրբեջան» տերմինի մասին, որ ակտիվ օգտագործում է Բաքուն, ԱԺ նախագահը շեշտեց, որ վերջին իրադարձությունները ցույց են տալիս՝ հնարավոր չէ, որ մոտ ժամանակահատվածում հայերը գնան Ստեփանակերտ, Շուշի, Բաքու կամ պատմական այլ հայկական տարածքներ։
Մանրամասները՝ տեսանյութում