ԱՄՆ-ում կատաղած աղվեսը հարձակվել է կնոջ վրա եւ կծել է նրան, գրում է Independent-ը։ Ագրեսիվ կենդանու դեմ հաջողվել է պայքարել միայն փայտի օգնությամբ։
Նյույորքցի կինը հեռախոսով խոսելով դուրս էր եկել տնից, երբ աղվեսը վազել էր իր մոտ։ Կենդանին նետվել էր ամերիկուհու վրա՝ ատամները խրելով նրա ոտքի մեջ։ Կինը փորձել էր պայքարել, բայց աղվեսը միայն ուժեղացրել էր իր գրոհը։ Տուժածին օգնելու էր վազել փայտով զինված մի տղամարդ։ Միասին նրանց հաջողվել էր վախեցնել կենդանուն, ինչից հետո կինը դիմել էր բժիշկների օգնությանը։ Նա ստացել էր անհրաժեշտ պատվաստումները եւ տուն էր վերադարձել։
Ավելի ուշ հայտնի էր դարձել, որ աղվեսին բռնել եւ քնեցրել են. կենդանու մոտ կատաղություն էր հայտնաբերվել։ Սոցցանցերի օգտատերերն ուրախ են, որ ամերիկուհին լուրջ վնասվածքներ չի ստացել, իսկ տեղական իշխանություններին կոչ են արել ավելի ուշադիր հետեւել թափառող կենդանիներին։