Երևանի քաղաքապետ Հրաչյա Սարգսյանը «գտնվեց». պարզվում է, նա մեկնել է Գերմանիա: Այս մասին տեղեկանում ենք քաղաքապետի ֆեյսբուքյան գրառումից ու նաև լուսանկարներից.
«Գերմանիայի Դաշնային Հանրապետության Էսսեն քաղաքում մասնակցել եմ «Ինտերգեո 2022» ցուցահանդեսին:
Ծանոթացել եմ «խելացի քաղաքներ»-ի ստեղծման համար առաջարկվող տարբեր լուծումների, որոնք հնարավորություն կտան թվայնացված տեղեկատվության միջոցով հասնել ավելի արդյունավետ, կանխատեսելի և թափանցիկ որոշումների կայացման»,- գրել է Սարգսյանը:
Հիշեցնենք, նախօրեին MediaHub-ը Երևանի քաղաքապետարանի հասարակայնության հետ կապերի վարչությունից հետաքրքրվել էր, թե ինչու երկուշաբթի առավոտյան չի կայացել ավանդական գործակարգավարական նիստը տեղի չի ունենա։ Պատճառն այն էր, որ քաղաքապետ Հրաչյա Սարգսյանը երկրում չէ.
«Շաբաթ առավոտյան մեկնել է գործուղման»,- MediaHub.am-ի հետ զրույցում ասել էին քաղաքապետարանի լրավտական բաժնից։ Սակայն թե ո՞ր ուղղությամբ է մեկնել Հրաչյա Սարգսյանը նախօրեին լրատվական բաժնում էլ չգիտեին։