Հնդկաստանում գիշերային ակումբների հաճախորդները հրաժարվել են վճարել իրենց հաշիվը և թրերով ծեծկռտուք են սկսել աշխատակիցների հետ։ Հայտնել է News9Live-ը։
Երկու տղամարդ և երեք կին նոյեմբերի 5-ին եղել են Հարյանա նահանգի Պանչկուլա քաղաքի ռեստորանում: Առավոտյան մոտ ժամը 5-ին ակումբի աշխատակիցներն այցելուներին խնդրել են վճարել 23 հազար ռուփիի (մոտ 300 դոլար) հաշիվ։ Նրանք սկանդալ են սարքել գումարի ու հրաժարվել վճարել։
Գումարի շուրջ վեճն ավարտվել է ծեծկռտուքով։ Վիճաբանության հրահրողներից մեկն օգնության է կանչել ընկերներին։
Շուտով վրդովված հաճախորդների 12 ընկերներ մեքենայով մոտեցել են հաստատությանը։ Նրանք զինված են եղել փայտերով ու թրերով, անմիջապես հարձակվել են հաստատության աշխատակիցների վրա։ Ենթադրվում է, որ զանգվածային ծեծկռտուքին մասնակցել են նաև ընդհարման հրահրողների կանայք՝ «ձեռքերով և ոտքերով ծեծելով մատուցողներին և թափահարելով թրերը»։