Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

Գողություն Սևանում. կտրել էր ավտոտնակի պատուհանի ճաղավանդակը և գողացել եռակցման սարք, անվահեծեր՝ անվադողերով

Blog Image

Նոյեմբերի 15-ին ոստիկանության Սևանի բաժնում հաղորդում տված քաղաքացին հայտնել էր, որ նոյեմբերի 14-ի ժամը 00.01-ից նոյեմբերի 15-ի ժամը 09.30-ն ընկած ժամանակահատվածում կտրել են Սևան քաղաքի Օղակաձև փողոցում գտնվող իր ավտոտնակի պատուհանի ճաղավանդակը և գողացել եռակցման սարք, անվահեծեր՝ անվադողերով, բենզինային գեներատոր, կուտակային մարտկոց, շինարարական ցանց և այլ գործիքներ՝ պատճառելով շուրջ 970 000 դրամի վնաս:

Ոստիկանությունից հայտնում են, որ ոստիկանության Սևանի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում հայտնաբերել, գողություն կատարելու հիմնավոր կասկածանքով ձերբակալել և բաժին են տեղափոխել Սևան քաղաքի բնակիչ երկու երիտասարդի: Նրանք ներկայացվել են վարույթն իրականացնող մարմին և տվել խոստովանական ցուցմունք:

Ձեռնարկվում են միջոցառումներ՝ գողոնը հայտնաբերելու ուղղությամբ:

Send