Չինական բանակը դեռ պատրաստ չէ ԱՄՆ-ի հետ առճակատման, լավագույն դեպքում կկարողանա պատրաստվել երեք կամ հինգ տարի հետո։ Չորեքշաբթի՝ օգոստոսի 3-ին, «Իզվեստիա»-ին տված հարցազրույցում նման կարծիք է հայտնել ռազմական պատմաբան Նիկիտա Բուրանովը։
«Իմ կարծիքով, չինական բանակը դեռ պատրաստ չէ ո՛չ ԱՄՆ-ին դիմակայելու, ո՛չ էլ լայնածավալ դեսանտային գործողություններ իրականացնելու։ Կարծում եմ, որ միգուցե 3-5 տարի հետո այն տեսականորեն պատրաստ լինի։ Չինաստանի համար լավագույն ժամանակը կլինի տասնամյակի վերջը։ Առայժմ նրանց ազդեցության միջոցները սահմանափակվում են տնտեսական ճնշումներով, բայց բավականին լուրջ»,- ասել է փորձագետը։
Պատմաբանի խոսքով՝ այժմ Չինաստանը օպերատիվ վայրէջքի հմտություններ է կիրառում։ Չինական զորավարժությունների սխեմայի համաձայն՝ Թայվանը արգելափակված է բոլոր կողմերից, իսկ չինական նավատորմը հարվածներ է իրականացնում, ասել է Բուրանովը։