ՀԱՄԱՍ-ի քաղբյուրոյի անդամ Ուսամա Համդանն ասել է, որ պաղեստինյան խմբավորումը կաջակցի լիբանանյան շիական Հեզբոլլահի և Իսրայելի միջև հրադադարի հաստատմանը:

«Մենք ողջունում ենք Լիբանանում հրադադարի մասին ցանկացած հայտարարություն, քանի որ «Հըզբոլլահը» աջակցեց մեր ժողովրդին և մեծ զոհողություններ արեց», - ասել է Համդանը «Al-Mayadeen» հեռուստաընկերությանը տված հարցազրույցում:

Նա նշել է, որ կազմակերպությունները «վստահում են միմյանց և համակարգում են իրենց գործողությունները ամեն մանրամասնությամբ»։

Ավելի վաղ «The Times of Israel»-ը հայտնել էր, որ իսրայելցի նախարարները ծրագրում են երեքշաբթի օրը հաստատել «Հըզբոլլահ»-ի հետ հրադադարի մասին համաձայնագիրը:

Ըստ EFE-ի՝ Իսրայելի վարչապետ Բենիամին Նեթանյահուն համաձայնել է Միացյալ Նահանգների առաջարկած համաձայնագրին, սակայն «որոշ վերապահումներով»: Նեթանյահուի պայմանները ներառում են, մասնավորապես, Իսրայելին «գործելու ազատություն» տալու պահանջը, եթե «Հըզբոլլահը» խախտի հրադադարի պայմանները։