Ղըրղըզստանի Չատկալում ձնահյուսի տակ մնացած 6 մարդ է մահացած հայտնաբերվել․ գնացել էին դեղաբույսեր հավաքելու:
Փրկարարները որոնողական աշխատանքներ էին իրականացրել Ակ-Սայի լեռնային շրջանում։ Հայտնի է, որ հոկտեմբերի 9-ին 14 մարդ գնացել էր սարեր՝ դեղաբույսեր հավաքելու։ Հոկտեմբերի 16-ին, երբ նրանց հետ կապը խզվել էր, հարազատներն ահազանգել են Արտակարգ իրավիճակների նախարարություն։
Հայտնաբերվել է ութ մարդ, նրանք հայտնել են, որ լեռներում ձնահյուս է տեղի ունեցել. Նախնական տվյալներով՝ ձյան զանգվածի տակ մնացել էր վեց մարդ և 17 ձի, հայտնել է տեղի ԱԻՆ-ը։
Այնուհետև պարզվել է Չատկալի շրջանում ձնահյուսի մեջ հայտնված բոլոր վեցը մահացել են։
Երեկ հայտնաբերվել է երեք դի, մնացած անհայտ կորածները հայտնաբերվել են այսօր առավոտյան։
Տեսանյութ, լուսանկարներն այստեղ