Ուկրաինայի նախագահ Վլադիմիր Զելենսկին ասել է, որ Ուկրաինայում ընտրությունները շատ կարևոր են, բայց դրանք կարող են տեղի ունենալ միայն պատերազմի թեժ փուլի ավարտից և ռազմական դրության վերացումից հետո։
«Ընտրությունները տեղի կունենան պատերազմի թեժ փուլի ավարտից և ռազմական դրության վերացումից հետո: Մենք պաշտպանում ենք ժողովրդավարությունը, և ընտրությունները չափազանց կարևոր են: Բայց եկեք անկեղծ լինենք. ռազմական դրության դադարեցումը հենց այն է, ինչ Պուտինը ցանկանում է»,- լրագրող Փիրս Մորգանին տված հարցազրույցում ասել է Զելենսկին։
Զելենսկին բացատրել է, որ եթե ռազմական դրությունը հանվի, ապա ուկրաինական բանակի մեծ մասը կվերադառնա տուն, քանի որ դա այդ մարդկանց օրինական իրավունքն է։
Նա նաև հայտարարել է, որ լայնամասշտաբ պատերազմի սկզբից ի վեր զոհվել է 45,100 զինվորական, վիրավորվել՝ 390,000-ը։