ՀՀ էկոնոմիկայի նախարար Վահան Քերոբյանը փետրվարի 23-25 կմեկնի Ֆրանսիա: Նախարարի գլխավորած պատվիրակությունը Ֆրանսիայի մայրաքաղաք Փարիզում մասնակցելու է Ֆրանսիա-Հայաստան առաջին տնտեսական գագաթնաժողովին և միջազգային գյուղատնտեսական ցուցահանդեսին (SIA) : Տեղեկությունը հրապարակվել է կառավարության էլեկտրոնային կառավարման հարթակում։
Նշվում է, որ նախարար Վահան Քերոբյանը, փոխնախարար Նարեկ Տերյանը, մյուս տեղակալ Անի Իսպիրյանը, նախարարության միջազգային համագործակցության վարչության պետ Արմեն Այվազյանը և միջազգային համագործակցության վարչության երկկողմ և բազմակողմ համագործակցության բաժնի գլխավոր մասնագետ Աստղիկ Ալեքսանյանը Ֆրանսիայի Հանրապետություն կգործուղվեն ՀՀ 2023 թվականի պետական բյուջեով՝ արտասահմանյան պաշտոնական գործուղումների համար նախատեսված միջոցների հաշվին:
Փարիզից վերադառնալուց հետո ՀՀ էկոնոմիկայի նախարարը եռօրյա ժամկետում պետք է գործուղման արդյունքների մասին հաշվետվություն ներկայացնի ՀՀ վարչապետի աշխատակազմ և արտաքին գործերի նախարարություն։
Ծառայողական գործուղման մեկնած անձանց գործուղման ծախսերի փոխհատուցումը կատարվում է 29 դեկտեմբերի 2005 թվականի որոշման համաձայն: Ըստ այդմ, Փարիզ մեկնելու համար մեկ օրվա օրապահիկը սահմանված է 130 եվրո, իսկ գիշերակացի համար էլ տրամադրվում է 153 եվրո գումար, գրում է «Ժողովուրդ» օրաթերթը։ Այսինքն, ստացվում է՝ Հայաստանի պատվիրակության՝ Ֆրանցիա այցը կարժենա 4 հազար եվրոյից (1 մլն 600 հազար դրամից ավելի) ավելի գումար: