Ռուսաստանի արտգործնախարար Սերգեյ Լավրովը Ինդոնեզիայում G20 արտգործնախարարների հանդիպման շրջանակում Թուրքիայի արտգործնախարար Մևլութ Չավուշօղլուի հետ հանդիպման ժամանակ ընդգծել է Կիևի ռազմականացմանն արևմտյան երկրների աջակցության անընդունելիությունը. այդ մասին ասված է ՌԴ արտաքին գործերի նախարարության հաղորդագրության մեջ։
Հանդիպմանն անդրադարձ է եղել նաև այլ միջազգային հարցերի, այդ թվում՝ Ռուսաստանի և Թուրքիայի փոխգործակցությանը Սև ծովում և բազմակողմ կառույցների շրջանակներում։
«Նախարարները գոհունակություն են հայտնել 2022 թվականին երկրների միջև ամենաբարձր և բարձր մակարդակներով քաղաքական երկխոսության դինամիկայի կապակցությամբ: Նրանք վերահաստատել են պատրաստակամությունը շարունակելու սերտ շփումները Ռուսաստանի և Թուրքիայի ղեկավարության միջև, այդ թվում՝ անձամբ», - հավելել է ՌԴ ԱԳՆ-ն։
«Բանակցությունների ընթացքում մտքերի հանգամանալից փոխանակում է տեղի ունեցել միջազգային և տարածաշրջանային օրակարգի շուրջ՝ շեշտը դնելով Ուկրաինայում տիրող իրավիճակի վրա: Հաստատվել է Ռուսաստանի սկզբունքային դիրքորոշումը Կիևի ռեժիմի ռազմատենչ հավակնություններին Արևմուտքի հետագա աջակցության անընդունելիության վերաբերյալ, ինչը խրախուսում է Ուկրաինայի իշխանություններին հետ կանգնել նախկինում ձեռք բերված խաղաղության համաձայնագրերից», - ասվում է հայտարարության մեջ։
Մինչդեռ Չավուշօղլուն Լավրովի հետ հանդիպման վերաբերյալ թվիթերյան միկրոբլոգում գրել է. «Հանդիպել եմ Ռուսաստանի արտգործնախարար Լավրովի հետ G20-ի շրջանակում։ Մենք քննարկել ենք Ուկրաինայի պատերազմը, պարենային անվտանգությունը և Սիրիան», - ասվում է հրապարակման մեջ։
Տեսանյութը՝ այստեղ