Ռուսական նավթի գների վերին շեմ սահմանելու G-7-ի նոր քայլը չի կիրառվի ՕՊԵԿ-ի այն արտադրողների հանդեպ, որոնց արդյունահանման կրճատման պլանները նյարդայնացրել են ԱՄՆ-ին, Reuters-ին, ասել է ԱՄՆ ֆինանսների նախարարության ներկայացուցիչը:

Վաշինգտոնը ՕՊԵԿ-ի ներկայացուցիչներին հավաստիացրել է, որ ծրագրերը չեն ազդի կարտելի անդամների վրա, ասել է նա:

Սա կարող է օգնել մեղմել ԱՄՆ-ի եւ նավթի առաջատար արտահանող եւ ՕՊԵԿ-ի դե ֆակտո առաջնորդ Սաուդյան Արաբիայի տարաձայնություններն այն մասին, ինչը Վաշինգտոնը համարում Ռուսաստանի հետ համագործակցություն:

Աճում է սպառող երկրների, ինչպիսին է ԱՄՆ-ը, եւ նավթ արտադրողների միջեւ լարվածությունը՝ կապված արդյունահանման քաղաքականության հետ, ընդ որում՝ աղբյուրները Reuters-ին ասում են, որ գների սահմանափակման պլանի համար ՕՊԵԿ-ի զայրույթը եղել է արդյունահանումը կրճատելու որոշման պատճառներից մեկը:

ՕՊԵԿ+-ը, որը միավորում է արտադրողների բլոկին դաշնակիցների, ներառյալ Ռուսաստանի հետ, անցյալ շաբաթ հայտարարել է, որ կնվազեցնի արդյունահանումը օրական 2 միլիոն բարելով՝ շուկաները հավասարակշռելու եւ անկայունությունը ճնշելու համար:

Սաուդյան Արաբիան հայտարարել է, որ իրական կրճատումը, հավանաբար, կկազմի օրական մոտ 1 միլիոն բարել:

Սպիտակ տունը հայտնել է, թե Միացյալ Նահանգների վերլուծությունը ցույց է տվել, որ կրճատումը կարող է հետաձգվել մինչեւ ՕՊԵԿ-ի հաջորդ հանդիպումը, որը տեղի կունենա նոյեմբերին ԱՄՆ միջանկյալ ընտրություններից հետո:

Սակայն ՕՊԵԿ-ի պաշտոնյաներն այս քայլը չեն կապել ԱՄՆ-ի հետ բանակցություններում ռուսական նավթի գների սահմանափակումների հետ, անցյալ շաբաթ ասել է ԱՄՆ ֆինանսների փոխնախարար Ուոլլի Ադեյեմոն:

Պաշտոնյան հավելել է, որ գների վերին շեմը, որը պետք է սահմանվի դեկտեմբերի 5-ին, չի տարածվի այլ արտադրողների վրա:

Միջազգային էներգետիկ գործակալության սպառող երկրների խումբը, որի գրասենյակը Փարիզում է, անցյալ շաբաթ հայտարարել է, որ ՕՊԵԿ+-ի արտադրության կրճատումը հանգեցրել է գների աճի եւ կարող է համաշխարհային տնտեսությունը մղել ռեցեսիայի:

Սակայն ԱՄՆ ֆինանսների նախարարության ներկայացուցիչը գների վրա կրճատման ազդեցությունը համարել է խլացած՝ ասելով, որ դա կարող է պահանջել 30-40 դոլարով գների աճ կամ արդյունահանման 10 անգամ կրճատում՝, ՕՊԵԿ+-ի արդյունահանման օրական մոտ 900 000 բարելով փաստացի կրճատման համեմատ, որպեսզի ռեցեսիա առաջանա։