Իրանի գերագույն առաջնորդ, Այաթոլլա Ալի Խամենեին դիմել է «Հըզբոլլահ»-ին ու ՀԱՄԱՍ-ին՝ կոչ անելով «շարունակել պայքարն ու չհուսահատվել»։
«Տարածաշրջանի երկրները ձգտում են խաղաղության ու հանգստության, միակ խնդիրը արտաքին միջամտությունն է։ Պաղեստինցիների և լիբանանցիների ջիհադը սիոնիստական կազմավորմանը 70 տարի հետ տարավ: Սիոնիստական կազմավորումը, որին աջակցում էր ԱՄՆ-ը, ջախջախվեց մի քանի հազար մոջահեդների հարձակման արդյունքում»,- ասել է Իրանի գերագույն առաջնորդը՝ հրապարակավ դիմելով ժողովրդին 5 տարվա մեջ առաջին անգամ։
Նա նշել է, որ «Ալ-Աքսայի հեղեղում» գործողությունը «ծառայություն է ողջ տարածաշրջանին», և որ «նահատակ Հասսան Նասրալլահը եղել է արդար պայքարի առաջնագծում»։
Նկատի ունենալով Իսրայելի պատասխանը «Հըզբոլլահ»-ի և ՀԱՄԱՍ-ի առաջնորդների սպանությանը՝ Խամենեին կոչ է արել «չշտապել և ուշադիր ուսումնասիրել իրավիճակը»: Նրա խոսքով՝ երեքշաբթի օրը Իսրայելի վրա իրականացված հրթիռային հարձակումը «ամենափոքր պատիժն էր սիոնիստների համար, մենք խստորեն կպատասխանենք ցանկացած ագրեսիայի»:
Տեսանյութն այստեղ