Փակ աչքերով անկողնում 20 րոպեից ավելի պառկած լինելը չի նպաստում քնել, փոխարենը կարող է հանգեցնել քրոնիկ անքնության, հայտարարել են գիտնականները: Երեք ամենատարածված սխալների վերլուծությունը, որոնք խանգարում են լավ քուն ունենալուն, հրապարակել է CNN-ը:
Մասնագետները վստահեցնում են, որ անկողնում երկար մնալը վատագույն գաղափարներից մեկն է, քանի որ այդ կերպ ուղեղը սկսում է անկողինը կապել քնի, անորակ հանգստի և անքնության հետ: Փակ աչքերով անմիտ պառկելու փոխարեն՝ կլինիկական հոգեբան Մայքլ Գրանդներն առաջարկում է վեր կենալ և ինչ-որ ձանձրալի կամ միապաղաղ բան անել, օրինակ՝ ծալել հագուստը կամ դանդաղ քայլել կիսամութ սենյակում, մինչև քնեք:
Գիտնականները նաև ամենահայտնի սխալներից մեկն են համարել ավելի երկար քնելու համար զարթուցիչի կրկնազանգ միրացնելը: Նյու Յորքի Langone Health համալսարանի բնակչության առողջության բաժնի գիտաշխատող Ռեբեկա Ռոբինսը բացատրել է, որ արթնանալուց առաջ օրգանիզմը բնականորեն մոտենում է քնի ցիկլի ավարտին: Ընդ որում, նրա խոսքով, զարթուցիչի կրկնազանգը ստիպում է ուղեղին կրկին ընկղմվել թեթև քնի մեջ: Իսկ երբ մի քանի րոպեից նորից արթնանալու զանգը հնչի, մարդը կլինի ոչ թե քնի ցիկլի վերջում, այլ մեջտեղում, ինչը նրան երկար ժամանակ կստիպի քնկոտ ու անտարբեր զգալ։
Վերջապես, քնի մասնագետները խստորեն խորհուրդ են տվել հրաժարվել սմարթֆոնը քնելիս կողքը դնելու սովորությունից: Վերջին ուսումնասիրությունների համաձայն՝ գիշերային ժամերին գաջեթների չափից ավելի օգտագործումը հանգեցնում է քնելու, գիրության զարգացման, հոգնածության ավելացման և տրամադրության կտրուկ անկման հետ կապված խնդիրների: Գիտնականները դա կապում են կապույտ լույսի մարմնի վրա բացասական ազդեցության հետ, որը արգելափակում է քնի հորմոնի՝ մելատոնինի արտադրությունը: Մասնագետները խորհուրդ են տվել քնելուց առնվազն մեկ ժամ առաջ մի կողմ դնել բջջային հեռախոսներն ու պլանշետները։