ԱՄՆ նախագահ Դոնալդ Թրամփը ՌԴ նախագահ Վլադիմիր Պուտինին խնդրել է միջնորդել Իրանի հետ միջուկային բանակցություններում։
Կրեմլը հայտարարել է, որ պատրաստ է օգնել Իրանի և ԱՄՆ-ի միջև խնդիրները լուծել խաղաղ ճանապարհով։
Թրամփը փետրվարին հեռախոսազրույցում ուղղակիորեն բարձրացրել է այդ հարցը նախագահ Պուտինին, գրել է «Bloomberg»-ը;
Սպիտակ տան վարչակազմի բարձրաստիճան պաշտոնյաները քննարկել են այդ հարցն իրենց ռուս գործընկերների հետ Սաուդյան Արաբիայում օրեր անց կայացած բանակցություններում:
Ռուսաստանը կարծում է, որ ԱՄՆ-ն և Իրանը պետք է լուծեն բոլոր խնդիրները բանակցությունների միջոցով, Bloomberg-ին ասել է ՌԴ նախագահի մամուլի քարտուղար Դմիտրի Պեսկովը։
Ըստ նրա՝ Մոսկվան «պատրաստ է անել ամեն ինչ՝ դրան հասնելու համար»։