Երեխաների օմբուդսմենը հատուկ հայտարարություն է արել Պավլոդարի շրջանից յոթամյա աղջկա մահից հետո։ Ըստ պաշտոնական վարկածի՝ երեխային սպանել է սեփական մայրը։ Իսկ հետո ընկերոջ հետ դիակը թաքցրել է մոխրի կույտի տակ։ Երեք օր կամավորները երեխային փնտրել են ողջ տարածքում, իսկ մայրը վստահեցրել է, որ դուստրը կարծես գետնի տակ է անցել։
Ինչպես հայտնում է Orda հրատարակությունը՝ վկայակոչելով ոստիկանությանը, այդ օրը աղջկա մայրը որոշել էր երեխաների հետ գնալ ամուսնու մոտ, ով աշխատում է ֆերմայում։ Բայց աղջիկը հրաժարվել է գնալ։ Երեխան դուրս է եկել տնից ու անհետացել։
Դրանից հետո աղջկան որոնել է ավելի քան 320 մարդ, այդ թվում՝ կինոլոգներ։ Կամավորներն այսօր հայտնաբերել են աղջկա մարմինը։ Ոստիկանությունը կրկին հարցաքննել է մորը, և նա խոստովանել է, որ Միլանան տեսել է իրեն իր սիրեցյալի հետ և մտադիր է եղել ամեն ինչ պատմել հորը։ Դրանից հետո կինը սպանել է սեփական դստերը, իսկ սիրելին օգնել է նրա մարմինը թաքցնել աղբարկղում։
Այժմ երեխայի մայրն ու նրա սիրեցյալը բերման են ենթարկվել։ Ոստիկանությունից հայտնել են, որ տղամարդը նույնպես խոստովանել է հանցանքը։
