«Հայրենիք» կուսակցության գլխավոր քարտուղար Խաչիկ Գալստյանն ֆեյսբուքյան իր էջում գրել է.
ԴԻՐՔԱՎՈՐՎՈՒՄ ԵՄ ՆՈՐ ԲԱՐՁՈՒՆՔՈՒՄ, ՀԱՅՐԵՆԻՔԻՍ ՀՈՎՀԱՆՈՒ ՏԱԿ։
Ես այս պայքարին տվել եմ ամեն ինչ։ Պայքարել եմ ամբողջ ոգով, ամբողջ հոգով ու սրտով, պայքարել եմ իմ ընտանիքով, իմ ընկերներով։ Անքուն գիշերներ եմ անցկացրել, ոստիկանների բիրտ ուժին բախվել, ծանոթ, «մտերիմ», «բարեկամների» քամահրանքին արժանացել։
Ականատես եմ եղել մարդկային ճղճիմության և փոքրոգության մաստեր կլասի, բախվել եմ ինքնահավան ամբարտավանության ու փքված հնդկահավային ամբիցիաների, «հրեշին դեռ չսպանած` նրա մորթին ջանադրաբար կիսելու հիվանդագին մոլուցքի, սովորական անձին կուռք սարքած «ընդդիմադիր» այրերի, տարաբնույթ «կոլոտ կամանդիրների», «հայր-որդի» , բայց առանց Սուրբ հոգի էժանագին բեմադրված շոուների։
Տեսել եմ, թե ինչպես մեծաթիվ մարդիկ ավելի շատ ատում են նախկիններին, քան սիրում են մեր հայրենիքը։ Նախկինների վերադարձի ահը մթագնել է մարդկանց ուղեղները։
Բայց իմ հայրենիքում դեռ գալու է ազգային համախմբման, վերածննդի ու ինքնաազատագրման հզոր ալիքը, որը սրբելու, տանելու է Հայոց հողից ամենայն թույն և ատելություն, մաղձ ու չարություն, բերելու է արժանապատիվ խաղաղություն, հանրային համերաշխություն ու բարեկեցություն։
ԵՍ ՉԵՄ ԼՔՈՒՄ ՊԱՅՔԱՐԻ ԽՐԱՄԱՏԸ, ԱՅԼ ԴԻՐՔԱՎՈՐՎՈՒՄ ԵՄ ՆՈՐ ԲԱՐՁՈՒՆՔՈՒՄ, ՀԱՅՐԵՆԻՔԻՍ ՀՈՎՀԱՆՈՒ ՏԱԿ։