Նիկոլ Փաշինյանը միայնակ չի կարող բռնապետություն հաստատել, եթե նրան չաջակցեն տարբեր պաշտոնյաներ, պատգամավորներ, իշխանության հաստիքային ու արտահաստիքային հաճախորդներ։ 

«Բռնապետության դեմքը» խորագրի այսօրվա «հերոսը»՝ ԱԽ քարտուղար Արմեն Գրիգորյանն է, ով շարունակում է զարգացնել Փաշինյանի «ինքնիշխանական» օրակարգը:

«Հանճարեղ» միտք

«Պետք է ավելի ճկուն լինենք, որպեսզի ուրիշներին թույլ չտանք թիրախավորել մեր ռազմավարական ապրանքները եւ շատ հարմարվողական լինենք դրա հանդեպ: Մեկ օրինակ՝ կարող ենք ցորենից անցնենք բրնձի, փոխենք մեր հարմարվողականությունը»,- ասել է Արմեն Գրիգորյանը:

Տարրական դիլետանտիզմ 

Գրիգորյանն այս միտքը հնչեցրել է Ռուսաստանից Հայաստանի կախվածության վերացման համատեքստում:
Եթե այս միտքն արտահայտեր մի փորձագետ, կարող էինք ծիծաղել ու առաջ անցնել: Ողբերգություն է, որ այս մտքի հեղինակը երկրի ԱԽ քարտուղարն է:
Հայաստանը իր ցորենի կարիքները բավարարում է 30%-ով, մնացած 70%-ը ներկրում է:
Բրինձ Հայաստանում ընդհանրապես չկա, ամբողջովին ներկրում ենք, այսինքն՝ Գրիգորյանն առաջարկում է Հայաստանի կախվածությունը դարձնել 100%:

Վահրամ Բագրատյան