Ղրղզստանի Օշ քաղաքում երեք դեռահաս ավտոմեքենայով ընկել են ջրանցքը և մահացել․ հայտնում է Sputnik Kyrgyzstan-ը։

Վթարը տեղի է ունեցել հունիսի 2-ին՝ ժամը 2։00-ի սահմաններում, Օշին պատկանող Օզգորուշ գյուղում։ Հայտնի է, որ Honda Fit-ի վարորդը կորցրել է կառավարումը։

Նախաքննությամբ պարզվել է, որ մենքենայի ղեկին եղել է 17-ամյա երիտասարդը, 15-ամյա երկու ուղևորներից մեկը եղել է վարորդի ազգականը։ Ըստ տեղեկությունների՝ 17-ամյա երիտասարդն առանց հարցնելու վերցրել է հոր մեքենան։