Գերմանիան պետք է էներգախնայողության միջոցներ ձեռնարկի երկնային բարձր գնաճի պայմաններում, որը վնաս է հասցնում տնային տնտեսություններին ու ձեռնարկություններին եւ մթագնում է տնտեսական հեռանկարները: Այս մասին ասվում է տնտեսական հինգ խորհրդատուների խմբի զեկույցում, հայտնում է Reuters-ը։

Նրանց խոսքով՝ օգնություն պետք է տրամադրվի այն տնային տնտեսություններին, որոնք չեն կարող հաղթահարել էներգիայի բարձր գները, եւ կենսունակ բիզնես մոդելներ ունեցող ընկերություններին, որոնք բախվում են հատկապես ծանր բեռի, այն դեպքում, երբ եկամտահարկի առավելագույն դրույքաչափը պետք է բարձրացվի:

Խումբը վկայակոչում է աշխատաշուկայի կայուն զարգացումը եւ օգնության միջոցառումները, հատկապես գազի գների իջեցումը Գերմանիայի տնտեսության համար պակաս հոռետեսական հեռանկարում՝ կանխատեսելով 1,7 տոկոս աճ այս տարի եւ 0,2 տոկոս անկում հաջորդ տարի:

Կառավարության վերջին կանխատեսումը նախատեսում է այս տարի 1,4 տոկոս աճ եւ հաջորդ տարի 0,4 տոկոս կրճատում:

Բացի այդ, էական է էներգիայի մատակարարման ընդլայնումն ու դիվերսիֆիկացումը՝ միաժամանակ խրախուսելով սպառողներին նվազեցնել դրանց օգտագործումը: «Գերմանիան պետք է հարմարվի նոր իրականությանը»,- ասել է խմբի անդամներից Վերոնիկա Գրիմը։ «Կախվածությունը նվազեցնելու եւ արժեքի ստեղծման շղթաների կայունությունը բարձրացնելու համար անհրաժեշտ է դիվերսիֆիկացնել էներգիայի ներմուծումը եւ շատ կարեւոր հումքի աղբյուրները»։

Պետությունը պետք է աջակցի ընկերություններին այդ ջանքերում՝ ռազմավարական դաշինքների, առեւտրային համաձայնագրերի կամ ԵՄ անդամ չհանդիսացող երկրներում գերմանական ընկերությունների համար ներդրումային երաշխիքների միջոցով:

NEWS.am