Վերջին շաբաթների ընթացքում չինացի պաշտոնյաները միջնորդների միջոցով ԱՄՆ նախագահ Դոնալդ Թրամփի թիմին են փոխանցել Թրամփի և Ռուսաստանի նախագահ Վլադիմիր Պուտինի հանդիպումը կազմակերպելու առաջարկ։ Այս մասին փետրվարի 13-ին գրել է «The Wall Street Journal»-ը՝ վկայակոչելով Պեկինի և Վաշինգտոնի աղբյուրները։
Առաջարկի համաձայն՝ գագաթնաժողովը կարող է նպաստել խաղաղապահ նախաձեռնություններին Ուկրաինայում ռազմական գործողությունների հնարավոր դադարեցումից հետո։
Չինական կողմն առաջարկել է ԱՄՆ-ի և Ռուսաստանի միջև հանդիպում կազմակերպել առանց Վլադիմիր Զելենսկու մասնակցության։
Առաջարկության մեջ հիմնական շեշտը դրվում է խաղաղ բանակցությունների խթանմանն ու տարածաշրջանում իրավիճակի կայունացման վրա։
«WSJ»-ը գրել է, որ Սպիտակ տունը մերժել է Չինաստանի առաջարկը՝ որպես «ամբողջովին ոչ կենսունակ»։