Ռուսաստանն ակտիվ ջանքեր է գործադրում, որպեսզի կյանքի կոչվեն բոլոր պայմանավորվածությունները: Այս մասին Հաղթանակի զբոսայգում լրագրողների հետ ճեպազրույցում հայտարարեց ՀՀ-ում ՌԴ դեսպան Սերգեյ Կոպիրկինը:
«Մենք դրանում ենք տեսնում երաշխիք, որ էսկալացիա չի լինի, որ կողմերը կգան համաձայնության, որը կբխի Հարավային Կովկասի բոլոր ժողովուրդների և երկրների շահերից»,- ասաց Կոպիրկինը:
Նրա խոսքով, ՌԴ-ն մշտապես կողմերի հետ կապի մեջ է, ակտիվ առաջ է մղում խաղաղության օրակարգը, ցուցաբերում է միջնորդական ծառայություններ.
«Հույս ունեմ, որ շուտով Մոսկվայում հանդիպում տեղի կունենա»,- ասաց դեսպանը, սակայն հրաժարվեց նշել, թե կոնկրետ երբ:
Սերգեյ Կոպիրկինը նաև հավաստիացրեց, որ Ռուսաստանը շատ լուրջ է վերաբերում նրան, ինչ կատարվում է այստեղ, շատ լուրջ է վերաբերում ՀՀ նկատմամբ իր դաշնակցային պարտավորություններին և ձեռնարկում է բոլոր հնարավոր ջանքերը, որպեսզի այստեղ հաստատվի խաղաղության, անվտանգության և զարգացման փուլ:
Մանրամասները՝ տեսանյութում: