Թերապևտը պատմել է որոշ հիվանդությունների արտաքին նշանների մասին։ Այսպիսով, գունատ դեմքը հաճախ վկայում է անեմիայի մասին, իսկ մաշկի դեղին երանգը՝ լյարդի հետ կապված խնդիրների մասին։
Մաշկի կլեպը կարող է լինել կա՛մ ալերգիայի նշան, կա՛մ վիտամինի պակասի կամ բորբոսի հետևանք։ Նախադիաբետիկ վիճակի մասին է վկայում արմունկների մաշկի կլեպն ու մգացումը, գրում է «Известия»-ն։ Կրունկների ճաքերը կարող են առաջանալ անհարմար կոշիկներ կրելուց հետո, սնկային վարակի կամ վիտամինների պակասի պատճառով։
Դեմքի և մարմնի վրա ցանը հաճախ վկայում է վարակիչ հիվանդության առկայության մասին, պզուկները կարող են ակնարկել աղիքային խնդիրների կամ ազդարարել հորմոնալ անհավասարակշռության մասին:
«Մազաթափությունը կարող է լինել Covid-ի կամ այլ վարակի հետևանք, ինչպես նաև սթրեսի, վահանաձև գեղձի դիսֆունկցիայի, հորմոնալ խնդիրների, վիտամին D-ի, սպիտակուցի և երկաթի պակասի հետևանք։ Իսկ հորմոնալ փոփոխություններով, ոչ պատշաճ խնամքով և մազերի չորության կամ յուղայնության ավելացմամբ առաջանում է թեփ»,- հավելեց թերապևտը։