«2023 թվականի հոկտեմբերի 7-ից ի վեր ամենաուժեղ գնդակոծությունը». «Հըզբոլլահը» ավելի քան 100 հրթիռ է արձակել իսրայելական Հայֆայի ուղղությամբ
Հրթիռի բեկորներ են ընկել Հայֆայի Կիրյաթ Յամ արվարձանում բնակելի շենքի վրա, հայտնել է «Yedioth Ahronoth»-ը։
Ynet պորտալը նշել է, որ հրետակոծության հետևանքով 70-ամյա մի կին վիրավորվել է բեկորներից, ընդհանուր առմամբ 12 վիրավորներ տեղափոխվել են հիվանդանոց։
Օրվա սկզբից ի վեր Լիբանանից 130 հրթիռ է արձակվել Իսրայելի հյուսիսային շրջանների և Հայֆա քաղաքի ուղղությամբ, հաղորդել է Իսրայելի պաշտպանության բանակն իր տելեգրամյան ալիքում։ Հրթիռակոծության պատասխանատվությունը ստանձնել է «Հըզբոլլահ» խմբավորումը, որին մեջբերել է իրանական Tasnim գործակալությունը։
Լուսանկարներն ու տեսանյութերն այստեղ