Չեչնիայի ղեկավար Ռամզան Կադիրովը հայտնել է, որ Կուրբան Բայրամի նախօրեին հանդիպել է Վլադիմիր Պուտինի հետ և զեկուցել տարածաշրջանի սոցիալ-տնտեսական իրավիճակի մասին․ այս մասին հաղորդում է ՏԱՍՍ գործակալությունը։
«Մեր հանդիպման ժամանակ ես զեկուցեցի Չեչնիայի Հանրապետության սոցիալ-տնտեսական իրավիճակի մասին, քննարկեցինք նաև տարածաշրջանի երկարաժամկետ ծրագրերը։
Հանդիպման ավարտին Վլադիմիր Վլադիմիրովիչը խնդրեց ինձ փոխանցել իր անկեղծ շնորհավորանքները բոլոր մուսուլմաններին՝ Կուրբան Բայրամի տոնի կապակցությամբ, փոխանցել երջանկության, բարության, խաղաղության և բարգավաճման մաղթանքներ»,- գրել է Կադիրովը»։
Լուսանկարը՝ Ռամզան Կադիրովի պաշտոնական տելեգրամյան ալիքից։