Hraparak.am-ը գրել է․
«Ուզում եմ արձանագրել, որ Ադրբեջանի՝ գերիներին չվերադարձնելու քաղաքականությունը նպատակ ունի վարկաբեկել ԼՂ-ում և Լաչինի միջանցքում ռուս խաղաղապահների գործունեությունը: Այսօր հաստատված գերեվարված անձանց 90 և ավել տոկոսը գերեվարվել են ռուս խաղաղապահների տեղակայումից հետո և նրանց պատասխանատվության գոտում»,- երեկ օնլայն ասուլիսի ժամանակ ասաց վարչապետ Նիկոլ Փաշինյանը:
Նրա այս հայտարարությունից հետո շիրակցի գերեվարված զինծառայողների հարազատները հավաքվել են Գյումրիում Ռուսաստանի հյուպատոսության առաջ։ Նրանք կախվել են պարիսպներից, պաստառներով են եւ պահանջում են, որ իրենց որդիներին վերադարձնեն։