Ազգային ժողովի «Հայաստան» խմբակցության պատգամավոր Արթուր Սարգսյանն ազատ կարձակվի։
Վերաքննիչ քրեական դատարանը` դատավոր Մխիթար Պապոյանի նախագահությամբ, բավարարել է պաշտպանների բողոքը։ Խափանման միջոց են սահմանվել տնային կալանքն ու գրավը:
Սարգսյանի նկատմամբ քրեական հետապնդում է հարուցվել Քրեական օրենսգրքի 43-419-րդ հոդվածի 1-ին մասով (Իշխանությունը յուրացնելու նախապատրաստություն) և 43-308-րդ հոդվածի 1-ին մասով (Ահաբեկչության նախապատրաստություն)։ Պաշտպանական կողմը սա որակում է որպես քաղաքական հետապնդում։