Իսրայելի՝ Ռաֆահի հարձակումը լարում է Եգիպտոսի հետ 45 տարվա խաղաղությունը. WSJ
Եգիպտոսը դիտարկում է Իսրայելի հետ դիվանագիտական հարաբերությունների մակարդակի իջեցման հնարավորությունը՝ Ռաֆահում երկրի պաշտպանության բանակի ռազմական գործողության պատճառով։ Գրել է Wall Street Journal-ը «Իսրայելի՝ Ռաֆահի հարձակումը լարում է Եգիպտոսի հետ 45 տարվա խաղաղությունը» հոդվածում՝ վկայակոչելով եգիպտական պաշտոնական աղբյուրները։
«Մենք այս պահին մտադիր չենք խզել հարաբերությունները կամ հրաժարվել Քեմփ Դեյվիդից», - թերթին ասել է եգիպտացի պաշտոնյան՝ նկատի ունենալով ԱՄՆ-ի աջակցությամբ ձեռք բերված համաձայնագրերը, որոնք հանգեցրել են 1979 թվականին երկրների միջև խաղաղության պայմանագրին: «Բայց քանի դեռ իսրայելական ուժերը մնում են Ռաֆահի անցակետում, Եգիպտոսը որևէ բեռնատար չի ուղարկի Ռաֆահ»:
Կահիրեն կիրակի օրը հայտարարել էր, որ կաջակցի Արդարադատության միջազգային դատարանում Հարավաֆրիկյան Հանրապետության գործին, որով Իսրայելը մեղադրվում է Գազայում ցեղասպանության համար։
