Այսօր կառավարության որոշմամբ փոփոխություններ են կատարվել Տնտեսության արդիականացման ծրագրի մեջ, ֆեյսբուքյան իր էջում տեղեկացրել է ՀՀ էկոնոմիկայի նախարար Վահան Քերոբյանը:
Նա նշել է, որ ըստ էության, ընդլայնում են այն ոլորտների ցանկը, որտեղ գործող ընկերությունները կարող են նոր սարքավորումներ գնել, և կառավարությունը կսուբսիդավորի վարկերի տոկոսադրույքների մեծ մասը։
Ծրագրի մյուս բաղադրիչով ընկերություններում բարձր որակավորում ունեցող մասնագետների ներգրավման և գիտահետազոտական աշխատանքների խթանման նպատակով պետության կողմից կիրականացվի աշխատավարձերի փոխհատուցում։