Եվրոպական խորհրդի նախագա Շառլ Միշելը Ադրբեջանի նախագահ Իլհամ Ալիևի հետ հեռախոսազրույցի ընթացքում քննարկել է Բրյուսելի օրակարգի բոլոր հարցերը Հայաստան-Ադրբեջան երկխոսության համար. այդ մասին Շառլ Միշելը գրառում է կատարել իր Twitter-ի էջում։

«Ընդգծվել է ԵՄ-ի համար կայուն, անվտանգ և խաղաղ Հարավային Կովկասի կարևորությունը։ Մենք կշարունակենք աջակցությունը մարդասիրական, հաղորդակցության և սահմանային խնդիրների լուծմանը, ինչպես նաև ապագա խաղաղության համաձայնագրին», – գրել է Միշելը: