Դրամի փոխարժեքը՝ այսօր
Եղանակը՝ այսօր
Միջազգային

Վրաստանում ուղղաթիռ է կործանվել. կա 8 զոհ

Blog Image

Վրաստանի Ներքին գործերի նախարար Վախթանգ Գոմելաուրին հաստատել է, որ Գուդաուրի հանգստավայրում փրկարարական գործողության ժամանակ կործանված ուղղաթիռում գտնվող բոլոր ութ անձինք զոհվել են. հայտնում է «Նովոստի Գրուզիան»։

Նրա խոսքով, այսօր ավելի վաղ մահացել էր պարապլաներով սլացող զբոսաշրջիկը, ով բախվել է ժայռերին, իսկ օդաչուն կիրճում վթարի ենթարկվելով վիրավորվել, սակայն ողջ էր մնացել եւ ուղղաթիռը մեկնել էր օգնության:

Նախարարը պարզաբանել է, որ մահացած զբոսաշրջիկը օտարերկրացի է։ Վրաստանի քաղաքացի օդաչուն դուրս է բերվել ձորից եւ տեղափոխվել հիվանդանոց։

Նախարարությունից հայտնել են, որ ուղղաթիռում եղել է անձնակազմի չորս անդամ, արտակարգ իրավիճակների կառավարման ծառայության երկու փրկարար եւ երկու բժիշկ՝ Առողջապահության նախարարության արտակարգ իրավիճակների համակարգման եւ շտապ օգնության կենտրոնից։ 

Send