84 տարեկան հասակում կյանքից հեռացել է Մադրիդի «Ռեալի» փոխնախագահ Ֆերնանդո Ֆերնանդես Տապիասը։ Հայտնել է ակումբի մամուլի ծառայությունը։

Տապիասը 1993 թվականից աշխատել է մադրիդյան ակումբում` զբաղեցնելով տարբեր պաշտոններ։

2000 թվականի հուլիսի 17-ից մինչև 2006 թվականի հուլիսի 2-ը գործարարը եղել է «Ռեալի» տնօրենների խորհրդի նախագահ, իսկ 2009 թվականի հունիսի 1-ից՝ ակումբի պատմության առաջին փոխնախագահը։

Իր պաշտոնավարման ժամանակահատվածում թիմն ընդհանուր առմամբ 58 տիտղոս է նվաճել: