Հինգշաբթի գիշերը ուկրաինական անօդաչու սարքերը հարձակվել են Ադիգեայի Հանրապետության Մայկոպ արվարձանի վրա։ Շրջանի ղեկավար Մուրատ Կումպիլովը հայտարարել է հրդեհի պատճառով Ռոդնիկովի գյուղի բնակիչների տարհանման մասին։ Գյուղը հարում է Խանսկայա գյուղին, որտեղ գտնվում է համանուն ռազմական օդանավակայանը։

Օդանավակայանում հրդեհ է գրանցվել NASA FIRMS արբանյակային ծառայության կողմից։ Նախնական տեղեկություններով՝ հրդեհը բռնկվել է ավիացիոն վառելիքի պահեստում։

Ադիգեայի ղեկավարի խոսքով՝ զոհեր և վիրավորներ չկան։ Հրդեհը մարվում է: 

Գիշերը և առավոտյան ուկրաինական և ռուսական տելեգրամյան ալիքները հրապարակել են պայթյունների և ծխի տեսագրություններ: 

Խանսկայա ռազմական օդանավակայանում է գտնվում Կրասնոդարի բարձրագույն ռազմական ավիացիոն դպրոցի 272-րդ ուսումնական ավիացիոն բազան։

Առավոտյան ՌԴ ՊՆ-ն հայտարարել է Ռուսաստանի մի քանի շրջանների վրա խոցված և որսված 92 անօդաչու թռչող սարքերի մասին, սակայն Ադիգեայի մասին զեկույցում չի հիշատակվել։ 

Տեսանյութը՝ այստեղ