Ամերիկացի դիվանագետները ավելի քան մեկ տասնամյակի ընթացքում առաջին անգամ այցելում են Սիրիայի մայրաքաղաք, հայտարարել է Պետդեպարտամենտը,

Դամասկոսի պատվիրակությունը «ուղղակիորեն կշփվի սիրիացի ժողովրդի հետ»՝ «իրենց երկրի ապագայի վերաբերյալ նրանց տեսլականի հետ կապված և , թե ինչպես է կարող Միացյալ Նահանգները օգնել աջակցել նրանց», ասվում է հայտարարության մեջ, գրել է «Washington Post»-ը։

Խումբը նաև նախատեսում է հանդիպել Սիրիայում իշխանության եկած «Հայաթ Թահրիր ալ-Շամ» խմբավորման ներկայացուցիչների հետ՝ «քննարկելու ԱՄՆ-ի և Հորդանանի Աքաբայում տարածաշրջանային գործընկերների կողմից հաստատված անցումային սկզբունքները»:

ՀԹՇ-ն դեռ մնում է Պետդեպարտամենտի ահաբեկչական ցուցակում և նախկինում կապված է եղել «Ալ-Քաիդայի» հետ, սակայն այն ժամանակից ի վեր փորձել է մաքրել իր անցյալը: 

Խմբավորման առաջնորդն այս շաբաթ հանդիպել է բրիտանացի դիվանագետների հետ ու կոչ արել վերականգնել հարաբերությունները և հանել Սիրիայի դեմ պատժամիջոցները։