Թբիլիսիի կենտրոնում գտնվող խորհրդարանի շենքի մոտ ցուցարարները կոտրել են շենքի ճակատային մասի մոտ տասը պատուհան, հայտնում է Վրաստանի ՆԳՆ-ն իր կայքում տեղադրված հաղորդագրության մեջ։
Գերատեսչությունը նշում է ցուցարարների գործողությունների բռնի բնույթը՝ բացի ապակուց, նրանք քարերով և այլ առարկաներով վնասել են օրենսդիր շենքի երկաթե ցանկապատերը։
ՆԳՆ-ն հավելել է, որ ցուցարարները ձեռք են բերել պիրոտեխնիկա և ծանր առարկաներ, որոնք, հավանաբար, կրկին կօգտագործվեն իրավապահների դեմ։ Գերատեսչությունը ցուցարարներին կոչ է արել օրենքով սահմանված շրջանակում խաղաղ բողոքի ցույց անցկացնել։