Այսօր՝ մարտի 10-ին, խոշոր ավտովթար է տեղի ունեցել Երևանում: Ժամը 03:00-ի սահմաններում Գարեգին Նժդեհ փողոցում՝ «Տոսկանա» հյուրանոցային համալիրի դիմաց, բախվել են Mercedes մակնիշի ավտոմեքենան և ЗИЛ մակնիշի բեռնատարը:
Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների, բարեբախտաբար, տուժածներ չկան:
Վթարի փաստով Պարեկային ծառայության Երևան քաղաքի գնդում նյութեր են նախապատրաստվում, որտեղ էլ պարզում է վարորդների ինքնությունը:
Ըստ նախնական տեղեկությունների՝ Mercedes-ի վարորդը դեպքի վայրը լքել է, սակայն այդ տեղեկությունը Պարեկային ծառայությունը պարզում է: