Պաշտպանության նախկին փոխնախարար Արտակ Զաքարյանի կարծիքով՝ դավաճանության դրսևորումներից մեկն այն է, երբ ինքնորոշում հասկացությունը փոխարինվեց անվտանգության իրավունքով։
«Հիշո՞ւմ եք՝ Զոհրաբ Մնացականյան անունով ԱԳ նախարար ուներ Նիկոլը, որը BBC-ի հետ հարցազրույցում առաջին անգամ խոսեց անվտանգությունից։ Իսկ մեր պայքարը ինքնորոշման իրավունքի համար էր։ Այս սրիկաներն նշաձողը իջեցրին մինչև անվտանգություն, ու հիմա էլ չգիտեն՝ ով է այդ անվտանգության երաշխավորը»,- այսօր հրավիրված մամուլի ասուլիսում ասաց նա։
Ըստ Զաքարյանի՝ այս իշխանությունն իր նպատակին, ամեն դեպքում, չի հասնի, քանի որ ժողովրդի գիտակցությունը ճիշտ պահին կարթնանա։
«Այո՛, այստեղ ընդդիմությունն էլ է պատասխանատու, բայց գոնե երեք անգամ այդ ընդդիմությունը փորձել է մարդկանց ոտքի հանել։ Իսկ իշխանությունն այդ ամենին արձագանքել է՝ թե տեսեք, նախկիններն ուզում են վերադառնալ։ Հիմա ընդդիմությունն անելիք ունի, և հաջորդ անելիքը պետք է լինի վերջնական ու իրատեսական։ Պետք է ոտքի կանգնեն՝ հստակ իմանալով, որ այլ ճանապարհ այլևս չկա։ Պետք է ծայրահեղ հաշվենկատ վերաբերմունք լինի»,- նկատեց նա։
Պաշտպանության նախկին նախարարը վստահություն հայտնեց՝ մենք 44-օրյայում կարող էինք շատ ավելի լավ վիճակում լինել, ավելի տարածքներ ընդլայնեինք։
«Այդ պատերզազմն ավելի հեշտ էր հաղթել, քան պարտվել։ Պարտվելու համար են սրանք ջանք գործադրել»,- ամփոփեց նա։
Մանրամասները՝ տեսանյութում։