Դրամի փոխարժեքը՝ այսօր
Եղանակը՝ այսօր
Միջազգային

Իտալական Ալպերում սառցադաշտի փլուզումը 7 հոգու կյանք է խլել (տեսանյութ)

Blog Image

Առնվազն 7 մարդ է մահացել Հյուսիսային Իտալիայում՝ Ալպերում, սառցադաշտի փլուզման հետևանքով առաջացած ձնահոսքի պատճառով. հաղորդում է BBC-ն։ Արտակարգ իրավիճակների ծառայության աշխատակիցները հայտնել են, որ փլուզման հետևանքով տուժել է ևս 8 մարդ, 2 հոգի լուրջ վնասվածքներ է ստացել: Փրկարարական ջոկատները, օգտագործելով ուղղաթիռներ և անօդաչու թռչող սարքեր, վերսկսել են 15 անհետ կորածների որոնումները։

Փլուզման տեսանյութում երևում է, որ սառույցի զանգվածը փլվում և գահավիժում է Մարմոլադայի՝ տարածքի ամենաբարձր լեռան լանջերով:

Առայժմ հստակ չէ Մարմոլադայի սառցադաշտի փլուզման հստակ պատճառը, սակայն, ամենայն հավանականությամբ, մեծ դեր է խաղացել կլիմայի փոփոխությունը։ Ալպերում կլիման արագորեն է փոխվում։ Ջերմաստիճանը բարձրացել է ըստ Ցելսիուսի շուրջ 2 աստիճանով, ինչը համաշխարհային միջինից երկու անգամ բարձր է։

Փրկարար ծառայության խոսնակ Վալտեր Միլանը հայտնել է, որ վերջին օրերին տարածքում անսովոր բարձր ջերմաստիճան է գրանցվել՝ սառցադաշտի գագաթին հասնելով ըստ Ցելսիուսի 10 աստիճանի:

 

Send