Սաուդյան Արաբիայում ցուցակված Jabal Omar Development անշարժ գույքի խոշորագույն կառուցապատողներից մեկը, կիրակի օրը հայտնել է, որ համաձայնության է եկել պարտատերերից մեկի հետ՝ 1,41 միլիարդ դոլար պարտքը նոր բաժնետոմսերի վերածելու վերաբերյալ, հաղորդում է Reuters լրատվական գործակալությունը:

Jabal Omar Development-ը հայտնել է, որ այն կթողարկի ավելի քան 225 միլիոն նոր բաժնետոմս՝ դրա դիմաց փակելով բոլոր պարտքերը Alinma Makkah անշարժ գույքի հիմնադրամին եւ կարգավորելով Հիմնադրամի հետ կապված բոլոր իրավունքներն ու պարտականությունները:

Ընկերությունը շահագործում է «Ջաբալ Օմար» հյուրանոցային համալիրը, որը բնակելի եւ առեւտրային սեփականություն է եւ գտնվում է Իսլամի համար կարեւորագույն Մեքքա սրբավայրի Մեծ մզկիթին շատ մոտ: Հյուրանոցը ծանր հարվածի տակ է ընել, երբ համաճարակը կրճատել է ուխտագնացության մակարդակը:

«Սա մեր կապիտալի կառուցվածքային օպտիմալացման համապարփակ պլանի ամենամեծ եւ կարեւոր գործարքն է: Մենք անցել ենք կրիտիկական անկյունը և արագորեն անցնում ենք աճի հաջորդ փուլ», - ասվում է գործադիր տնօրեն Խալեդ Ալ Ամուդիի հայտարարության մեջ:

Հոկտեմբերին ընկերությունը համաձայնել է սպասարկել Saudi British Bank-ից եւ Samba Financial Group-ից ստացած 4,7 միլիարդ ռիալ վարկը: Վարկը հասցվել է 5,9 մլրդ ռիալի եւ դրա մարման ժամկետը երկարացվել է մինչեւ 2030 թվականը։

Սաուդյան Արաբիայի ֆինանսների նախարարությունը, որը երաշխավորել է ընկերության 1,6 միլիարդ ռիալը 2021 թվականի մարտին, ավելի վաղ Reuters լրատվական գործակալությանը հայտնել էր, որ ընկերությունը մշակում է «ռազմավարական նշանակության» նախագծեր։