Իրանի ընթացիկ օրացուցային տարվա վերջին (մինչեւ 2023թ. մարտի 23) երկիրը նախատեսում է գործարկել 8 մլրդ դոլար ընդհանուր գումարով նավթային չավարտված մի շարք նախագծեր։ Այս մասին ասել է Իրանի նավթի նախարար Ջավադ Օուջին։
Նրա խոսքով՝ նախագծերն ուղղված են այնպիսի առաջնահերթ խնդիրների լուծմանը, ինչպիսին են նավթի եւ գազի արդյունահանումը, գազի վերամշակման հզորությունների ավելացումը, գազի տեղափոխումը, խողովակաշարերի, նավթաքիմիական օբյեկտների կառուցումը եւ նավթի ուղեկից գազի հավաքումը։
Նախագծերից մեկը Հարավային Փարս գազահանքի 11-րդ փուլն է։ Գործարկումից հետո նախագիծը երկրի արտադրական հզորություններին կավելացնի 14 մլն խորանարդ մետր գազ։
Նախարարն ավելացրել է, որ այս պլանների իրականացման համար գործի է դրվել հայրենական եւ արտասահմանյան հատվածների ներդրումային մասնակցության պոտենցիալը, տեղեկացրել է SHANA-ն։