ԱՄՆ նախկին նախագահ Դոնալդ Թրամփն ազատ է արձակվել կալանքից՝ մեղադրանք առաջադրելուց հետո Այս մասին հայտնում է CNN-ը։ Թրամփը կարողացել է ազատորեն լքել նիստերի դահլիճը. Մեղադրանքների առաջադրումից հետո Թրամփին բանտարկություն չէր սպասվում, բայց նա հայտնվել է կալանքի տակ մոտ երկու ժամ՝ պաշտպանական կողմի ակնկալած 20-30 րոպեի փոխարեն:

Թրամփը լքել է դատարանի շենքը, որտեղ նրան մեղադրանք է առաջադրվել նախկին պոռնոդերասանուհի Սթորմի Դենիելսին լռեցնելու համար գումար վճարելիս Trump Organization-ի ֆինանսական փաստաթղթերը կեղծելու գործով, հայտնում է ՏԱՍՍ-ի թղթակիցը։ Ավելի վաղ նախկին նախագահին մեղադրանք էր առաջադրվել 34 կետով, քաղաքական գործիչը հայտարարել էր, որ իրեն մեղավոր չի ճանաչում։

Սթորմի Դենիելսը պնդում է, որ 2006 թ.-ին հարաբերություններ է ունեցել Թրամփի հետ, և որ Թրամփի փաստաբան Մայքլ Քոհենն իրեն 130 000 դոլար է վճարել, որպեսզի ինքը դրա մասին չբարձրաձայնի:

Այսպիսով, Թրամփը դարձել է ԱՄՆ պատմության մեջ առաջին նախկին նախագահը, ում մեղադրանք է առաջադրվել քրեական հանցագործության համար։